آدسیزا مکتوبلار 1 / یوسوف کنان کیسا
آه، بیر کره سویله، یخیلسین ایسترسین بوس بوتون دونیا، قالالیم وبال آلتیندا، اینان کی اوره ییم کیلیتلی صاندیق، سیل سوپور ایچینی، سونرا آچارینی آت اوقیانوسا، تاپانماسین کیمسه. ائله چوخ سئومه منی، کیپریین قدر سئو، بیر توپ اینه باشی قدر، آرینین آیاق ایزی قدر، یئتر کی سئو. سوسارسن سونوم اولاجاق، ییه جک اوره ییمی، سورغو آدلی جاناوار، بیراخما منی، پای ائتمه قوردا قوشا، سن سوس ساندا آنجاق بیر دونه فیسیلداسین گوزلرین قولاقلارایما.
یئتر کی، آنلایالیم، قالخالیم تکرار آیاقا، سینه گره لیم دونیایا، دجالا، شیطانا، گورمماق اوچون گوزونو، گویه ده باخمام، قالدیریملارین سایارام بوتون شهرلرین، بیر بیر، آدینی اونوندارام، آدسیز اولار آدین، سویونو اونودارام، دوغومونو اونودارام، سنی اونودارام.
قورخما، قورخما، گیرمه رم الله ینان آرانا، یئتر کی بیلیم تکجه، بیر سببیم اولسون نفس آلماغا... .
آنکارا 05/12/2012
یوسوف کنان کیسا
اویغونلاشدیران: احمد محمدپور
ادامه مطلب...
اورهان ولینین 64 ایل سونرا یاییلان سئوگی مکتوبلاری
ناهید خانیم همین دؤورده یحیا کمالین اؤیرنجیسی خلیل وئدا فێراتلی ایله ائولی اوْلوب و مکتوبلاردا تئز-تئز اوْرخان ولی “ایمکانسیز سئوگی”دن، بیر داها گؤروشه بیلمهیهجکلریندن ناراحاتلیغینی ایفاده ائدیر. ولی سوْن مکتوبونو 12 اوْکتیابر 1950-جی ایلده ایستانبولدان یازیر. سوْنراسی دا یقین شاعیرین اوْخوجولارینا معلومدور. اوْرخان ولی 10 نوْیابردا بیر هفتهلیک گئتدییی آنکارادا بلدیهنین آچیق قوْیدوغو چۇخورا دۆشور، باشیندان یارالانیر. 14 نوْیابردا حالی پیسلشیر، خستخانایا آپاریلیر. ائله همین گئجه بئیین قاناماسیندان دۆنیاسینی دیَیشیر. کیتابین سوْنوندا ناهید خانیمین 12 نوْیابر 1950-جی ایل تاریخلی مکتوبو وار. ولینین سئوگیسینه اینانمایان، دایما اوْنو قێسقانان، سوْیوق داورانان ناهید خانیمین مکتوبوندا ان سئوگی دوْلو جۆمله “گؤزلریندن اؤپورم”دیر. 22 یانوار 1947
“تک یاشاماغینی، آنجاق منه عاید اوْلماغینی ایستهییرم” یازیرسان. من ده سنین یالنیز منه عاید اوْلماغینی ایستهییرم. بۇندان ذره قدر شۆبهه ائتمه. سندن باشقاسی ایله ان خێردا مۆناسیبتیم اوْلاجاغینی آغلینا دا گتیرمه. عینی شئیی من ده ایستهییرم. یعنی سنین تکجه منه عاید اوْلماغینی ایستهییرم. آنجاق بۇنون ایمکانسیز اوْلدوغونو دا بیلیرم. دوْغرودان، نئجه اوْلاجاق بیزیم حالیمیز ناهید؟ داها بیر-بیریمیزی گؤرمهیهجهییک؟ بۇ قدر کدهرلی طالع اوْلار؟
5 آپرئل 1947
سنه ده، منه ده ایمکانسیز گؤرونن بۇ سعادت گۆنلرین بیر گۆنو حیاتا کئچسه، بۆتون عؤمروم بوْیو ایتیردیکلریمین هئچ بیرینه تأسفلنمهیهجهیم. تکجه بۇ سئوینج منه یاشاماق اۆچون یئتهجک. اوْ بؤیوک، اوْ یئگانه سعادت اۆچون اللهامی، طالعیمی، یاخود هر هانسی باشقا بیر شئیمی، نهیه اینانماق لازیمدیرسا، اینانماق ایستهییرم. آللاها اینانان اینسانلارین نئجه ایناندیقلارینی، نئجه سئودیکلرینی بیلیریک. من سنی داها چوْخ سئویرم. داها چوْخ دا اینانا بیلهرم.
23 مای 1947
ان گؤزل شئیلری سنه قارشی دۇیدوغومو ان یاخشی سنین بیلمهیین گرک.
15 اییول 1947
یئنی شعرلریمین اوْلوب-اوْلمادیغینی سوْروشورسان. اوْلسایدی، گؤندرردیم. اینسان زامان-زامان بئله سۇسور. بۇ یقین داها بؤیوک دؤنم اۆچون حاضیرلیقدیر. یاخین گۆنلرده مۆهوم شعرلر یازاجاغیما اۆمید ائدیرم.
16 سئنتیابر 1947
مکتوبون منی اولدوقجا ممنون ائلهدی. بۇنونلا بئله چوْخو منه خیال کیمی گؤروندو. ائله اۆمیدلردیر کی، ایمکان باخیمیندان هئچ بیر اساسا دایانمیر. بۇ صؤحبتلر بیر آز دا کوْممونیست شاعیرلرین شعرلرینه بنزهییر. همیشه “گؤزل گۆنلر گؤرهجهییک” دئییرلر. یاخشی، بس نئجه گؤرهجهییک؟ ائله دئییلمی؟ بیزه ده مارئشال (فئوزی چاکماک) کیمی آدام لازیمدیر. “دؤزون، بۆتون ایستهدیکلرینیز اوْلاجاق” دئسین. ایناناق، دؤزهک.
2 اوْکتیابر 1947
دورومومو بیر دۆشون. ایکی گۆندور یاغان یاغیشا و سوْیوغا باخمایاراق اۆستومده تکجه آغ پئنجک وار. آیاققابیم یوْخ، کؤینهییم یوْخ، قالستوکوم یوْخ. بۇ قییافهده آنکارایا گله بیلهرممی؟ خۆصوصن بعضیلرینه بۇ صفالتیمی گؤسترمک ایستهمیرم. کئچن دفعه بوْرجا بیر پئنجکلیک پارچا آلدیم، درزییه وئردیم. بۇ شنبه گؤتورهجهیم (درزییه وئرمک اۆچون ایگیرمی-ایگیرمی بئش لیرا تاپسام). آمما اوْ دا سورونو حل ائتمهیهجک.
29 نوْیابر 1947
تکجه سنین اۆچون یاشاییرام. تکجه سنین اۆچون یاشاماق ایستهییرم. منی سئو دئمک ایستهمیرم، سادهجه اینان. عؤمروموزون سوْنونا قدهر منه ایناناجاغینی دۆشونه بیلسم، بۇندان دۇیاجاغیم موتلولوق بۇ گۆنه قدهر دۇیدوقلاریمین ان بؤیویو اوْلار.
16 مای 1949
بۇ مکتوبو سندن آیریلدیقدان سوْنرا یازیرام. سنی هئچ واخت اۇنودا بیلمهیهجهییمی بیلدیییم حالدا منی اۇنوتماغینی ایستهییرم. آرامیزدا نهلرینسه یاشاندیغینی هئچ کیم بیلمهسین. من نه اوْلور-اوْلسون، یاشامیما نه قاریشمیش اوْلور-اوْلسون، هئچ کیمی سنین یئرینه قوْیا بیلمهرم. آللاها امانت اوْل، ناهید.
ادامه مطلب...
كوهنه مكتوبلار
خبر گلر داها عمرون قیشیندان،
سویویارسان –
ساچلارینا قار دوشر
آنجاق كوهنه كیتابلارین ایچیندن
هردن - هردن
كوهنه مكتوبلار دوشر .
اییلرسن گوتتورسن گیزلیجه
بویلانارسان-
آرواد اوشاق گورمه سین
چكیلرسن اوتاغین بیر كونجونه
گیزلی گیزلی اوخویارسان هر سوزو.
بو نه سئوگی مكتوبو دو ایلاهی
ایندی یه جن آغری ییر هر سوزو ده.
یازان قیزین نه یدی آدی ایلاهی؟
یاددان چیخیب صیفتی ده، اوزوده.
اوخودوقجا لال سطیرلر سسله نیر،
یاواش- یاواش دوشر یادینا.
بیر حرفدن - قاشی دوشر یادینا
بیر حرفدن – گوزو دوشر یادینا
او گوزلردن یادیگار تك واراقدا
گوز یاشی نین لكه سینی گوره رسن.
بیردن دونو خیشیلدایار اوتاقدا
پنجره دن كولگه سینی گوره رسن.
دیكسینرسن بویلانارسان قاپی یا؛
"او كولگه نی آرواد - اوشاق گوردومو ؟!"
تئز مكتوبی آتارسان كول قابی یا
یاندیرارسان هر سوزونو سطرینی.
سوزلر یانار كاغیذی دا یاندیرار
سوزلر یانار، او قیزی دا یاندیرار
سوزلر قاچار، او آلوون ایچیندن
سن باخدیقجا
باسار سنی سویوق تر.
سیرا سیرا قارا قاریشقالار تك
قاچیب گئدر قارا – قارا حرفلر.
تكجه او قیز قاچا بیلمز بو اوددان
بیر قوش اولوب اوچا بیلمز بو اوددان
او قیز یانار بو آلوون ایچینده
گویه قالخار او آلوون دیل لری
او آلوون دیل لرینه سارماشیب
یانار- یانار اوزون - اوزون تئللری
یانار بیر واخت ساچلارینی اوخشایان
اوزون - اوزون بارماقلاری اللری.
او قیز یانار-
ارشه چیخار توستوسو
كاغیذ یانار
كول قابیدا كولله نر.
قفیل بیردن
كول قابی نین ایچیندن
یئره دوشوب یئره اوزوك دیییرله نر.
لاپ اوزونو ایتیررسن - باخارسان
او اوزویو گوتوره رسن باخارسان
بو اوزویو آخی هاردا گورموسن؟
بو اوزویو گورمه مسن بلكه هئچ.
سن او قیزا هاچان اوزوك وئرمیسن؟
اونا اوزوك وئرمه میسن بلكه هئچ.
اروادیندا قافیل گیررقاپیدان:
-الینده كی نه دی - ؟ - دئیر.
-اوزوك دو.
- او اوزویو نه یاخشی كی تاپمیسان
نئچه واخت دی ایتیرمیشدیم گزیردیم.
سونرا گلر سندن آلار اوزویو:
-بونون رنگی نییه بئله قارالیب؟
بارماقینا گوجله سالار اوزویو :
-ائله بیل كی بیر بالاجا دارالیب .
كول قابیندان توستو قالخار هله ده.
او مكتوبون كولو هله ایشارار
ماددیم- ماددیم دوروب باخار آروادین
او توستودن بیر جوت گوزو یاشارار.
-هیچ اولماسا پنجره نی آچ – دئیر
بوردا نئجه اوتورموسان سن نئجه ؟!
بو نه یانیق قوخوسودو، ایلاهی
ائله بیل كی آدام یانیب ایندیجه...
رامیز روشن
ادامه مطلب...
.
bir məktüb yazacağam sənə . . . بیر مكتوب یازاجاغام سنه
bir məktüb yazacağam . . .
bir məktüb yazacağam sənə ,
sevgidən başqa hər şey dən ;
yerdən , göydən ,
güldən , çiçk dən
birdə sinə min altında
yaralı qüş kimi çırpınan
sındıqca sınan ,
arzularına qısılan
yetim bir orəkdən
bir məktüb yazacağam sənə ,
sevgidən başqa hər şeydən ;
yazacağam qaranqüşların
yuva tikməyindən
yetim bir oşağın
bırparça çörk üçün
gəlib - gedə nə boyun bükmə yindən
hind filminə baxıb
ağlayan cavanlardan ,
süyüq qiş gecə sində tənhalıq dan
aya üz tütüb
ulayan janavardan
anasını axtaran
qüzünün mələrtisindən
ufacıq bir çırağın
bir otağı qızdıran
aluv ləçk li hənirtisindən
birmktüb yazacağam sənə ,
sevgidən başqa hər şey dən ,
bir xəstə nin həkimə
omidlə baxan
gözlərindən yazacağam
gəlinciklə bəzənmiş
maşınların sırasından
yuvalarından yem gözlə yən balaların
dimdiyinin sarısından
getdik cə suyuyan havadan ,
adəmdən , həvvadən ,
necə olur tənha adam . . .
bax , bunlardan yazacağam .
birdə
yerdən , göydən .
çoban dudağlarını
yandıran neydən ,
bir məktüb yazacağam sənə .
sevgidən başqa hər şey dən ,
bəlkə də bünü vəsiyyətim ,
son sözüm bilə cək sən .
birmktüb yazacağam sənə ,
hər şeyyi özün biləcək sən . . .
NÜSRƏT KƏSƏMƏNLI
بیر مكتوب یازاجاغام ...
بیر مكتوب یازاجاغام سنه ،
سئوگیدن باشقا هر شئی دن ؛
یئردن ، گؤیدن ،
گولدن ، چیچك دن
بیرده سینه مین آلتیندا
یارآلی قوش كیمی چیرپینان
سیندیقجا سینان ،
آرزولارینا قیسیلان
یئتیم بیر اوره ك دن
بیر مكتوب یازاجاغام سنه ،
سئوگیدن باشقا هر شئیدن ؛
یاشاجاغام قارا نقوش لارین
یووا تیكمه ییندن
یئتیم بیر اوشاغین
بیرپارچا چؤرك اوچون
گلیب - گئده نه بویون بوكمه ییندن
هیند فیلمینه باخیب
آغلایان جاوانلاردان ،
سویوق قیش گئجه سینده تنهالیق دان ،
آیا اوز توتوب
اولایان جاناواردان
آناسینی آختاران
قوزونون مه لرتیسیندن
اوفاجیق بیر چیراغین
بیر اوتاغی قیزدیران
آلوو لچك لی هنیرتیسیندن
بیرمكتوب یازاجاغام سنه ،
سئوگیدن باشقا هر شئی دن ،
بیر خسته نین حكیمه
اومیدله باخان
گؤزلریندن یازاجاغام
گلینجیكله بزنمیش
ماشینلارین سیراسیندان
یووالاریندان یئم گؤزله ین بالالارین
دیمدییی نین ساری سیندان
گئتدیك جه سویویان هاوادان ،
آدمدن ، هوّادان ،
نئجه اولور تنها آدام ...
باخ ، بونلاردان یازاجاغام .
بیرده
یئردن ، گؤیدن.
چوبان دوداغلارینی
یاندیران نئی دن ،
بیر مكتوب یازاجاغام سنه .
سئوگیدن باشقا هر شئی دن ،
بلكه ده بونو وصیّتیم ،
سون سؤزوم بیله جك سن .
بیرمكتوب یازاجاغام سنه ،
هر شئی یی اؤزون بیله جك سن ...
نصرت كسمنلی
ادامه مطلب...
ایكینجی مكتوب( نازلیا)
آنلاتسانا نازلی، سن جه بیر یئتیم فاغیرین تك دیله یی اولماق نه قدر وارلیلیقدیر؟ تامام بوشلوقلارین، یوخلوقلارین، و ده كیمسه سیزلیكلرین یئرینی بیر باشا دولدورا بیلمك نه بویدا بؤیؤكلؤك دؤر نازلی؛ دونیالارا سیغیشماز بیر بؤیؤكلؤك. نیسه دونیا دا ناز، یالنیز بؤیؤك لره، وارلیلارا یاراشیقدیر. نه یازیق كی تاریخ بویو وارلیلارین یوخسوللاری سئومه سی ناغیلارا بئله یول تاپمایبدیر، تاپیبسا ندن كرم لردن، قیس لردن، فرهادلاردان جیبی دولودور زامان.
بیر بیر كوچوب گئتدی قوجا دونیادان،
سئوگی ارن لری، من ده سیراد ان
فرهادلارین دردین قانمادی زامان،
شیرین لر هله ده یامانمیش، یامان.
سئوگی بویلارینین سون واراغیندا كرملرین اود آلدیغینین، اصلینده یانلیز، شیرینلر یاخجی آنلاییرلار نه دن لیینی.
- اصلی اصلی یازیقدیر نار بوداغینا!
قوی بوروسون آلوو منی كوز منی،
توخونماسین او اینجه بارماقلارین،
طیلیسیملی دویمه له ره آماندیر!!!
یازیقدیر نار بوداغینا.
*******
قوربان گئتدین
اؤش بارماغین بیر دویمه نین نازینا،
دردلی كرم،آمان كرم، یان كرم.
آدین یانیخ سینه لره، پرده لره یاراشیق
یانیخ كرم، یازیخ كرم، جان كرم.
سنه، یانا یانا یالواریب دا دئمه دی می!! "اصلی اصلی، كرم ائیله كؤلؤمه". نه دن اونو له له سینین قوجاغیندان آییریب، سؤرگؤن یئلین اته یینه سووردون. قورخوردون كی بلكه بیردن او جان بسر كؤللردن، یئنی بیر كرم دوغولا ؟
یقین یوردو بو كدرلی سؤزلر سنی، امینم كی اوره ییندن بو سؤز گئچیر:
_ كس سسینی آغلی آزمیش قوجا كافتار
شاعیر اولان، عومور بویو شیرین شیرین، لیلی لرین ایشیغیندان، قاش گؤزونون یاراشیغین یازمالیدیر،
سن سه، سرسم، آغزی باشینا، دانیشیغین ایتیرمیش قودورقون بیر فاغیر، هئچ بیلمیر كی نه سؤیله ییر نه یازیر....
_ سن كیمسن كی دییه سن كی
منیم قارا گؤزوم اوسته قاشیم واردیر؟
احمد محمدپور
ادامه مطلب...
.
بو بیر سئوگی مكتوبودور سوزلری، كؤره لر، آغلایار، آغلایار
حسرته بورونه ر بوینونو بورار
تكجه سن گولنده گولر،
دوداقلارین قاچسا سوزلرین توی دویونودور، بایرامی.
هر بیر كلیمه دوغولونجا
نه قدر گوز یاشی، نه قدر اوره ك قانی، نه قدر هوؤشنه لر دوغولور.
بو بیر سئوگی مكتوبودور سوزلری یالوارار، چاغیرار- چاغیرار، یورولار دورار.
معنا آدلی دلی بیر سئوگیللی لریوار، تك جه او ایفاده نی باغیرار اونلار.
هریئنی سطیر بوش بیر اومودلا باشلایار،
هر سطیر سونو قویولان نوقطالار چاراسیزلیكداندیلار.
نیسه اینسان اولادینی اوؤدان، گرچك نوقطالاردئییل، بوش اومودلاردیلار.
" سن ده من قوطبا گئدن بیر گمینین سرگوذشتینی- سن ده من قومار باز ماجراسینین چئشیدلرین-
سنده اوزاقلیغی، سن ده من امكان سیزلیغی سئوییوروم- فقط آصلا اومودسوزلوغو دئییل" *
* سون سطیرناظیم حیكمت دن دیر
احمد محمدپور
ادامه مطلب...